Opplev verdas fyrste Livdhytte «Blyg»
Me ønsker deg velkomen til å prøvebu Livdhytta Blyg på Naglestad i to netter.
Blyg, er offgrid.
Solcellepanel gjev straum til kjøleskap og lys. (Og ja - du kan også lade mobilen) Ein sjarmerande Dovre vedovn sørger for varme, og mat kan kokkelerast på gasskoketopp. Drikkevatn set me klar til deg i kanner.
Livd legg vekt på reine treprodukt for eit godt inneklima. Visste du at tre-interiør påverkar oss positivt, og gjev rolegare puls? Blyg er innreda med mykje gjenbruk, noko nytt, og mange heimesnekra løysinger. Noko som gjer hytta unik, og gjev ei lun stemning.
Me vil påstå:
Eit opphald her vil gje deg tid.
Tid til å høyre; fuglane, bekken og den deilige susen mellom trea.
Tid til å sjå; eit ekorn, nostalgiske koppar og kar, og gjerne kvarandre?
Tid til å kjenne; lukta av furu, sine eigne tankar, kjenne etter.
Kor stor er Blyg?
Stor nok seier Livd.
Ikkje utruleg om du blir overraska over kor romsleg 27m2 er. Det er såklart ein triveleg hems i tillegg, med soveplass til 4 (max 5)
Dette er verdas fyrste Livd hytte, og me omtalar den som «prinsipphytta» - fordi ulike prinsipp skal prøvast ut her.
Korleis tekniske løysingar fungerer, planløysing, eller andre ting ein vil merke seg når ein bur her nokre dager.
Me er svært interessert i attendemeldingar frå deg – både kva som er bra, og kva kan endrast eller bli betre.
Velkomen til å prøvebu vår vesle gullklump.
